kutubhona

хос бўлиб, у фақат набийлар ва росуллардагина бўлади. Бошқалар учун бўлиши мутлақо жоиз эмас.
Маъсумликнинг далили, ақлий далилдир. Аммо Аллоҳ Таолонинг:

إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً
«(Эй пайғамбар) хонадонининг аҳли, Аллоҳ сизлардан «рижс»ни кетказишни ва сизларни бутунлай поклашни истайди холос» [Аҳзоб: 33]
деган қавлига тўхталадиган бўлсак, бу оятнинг маъноси: сизлардан шубҳа-гумонни ва туҳматни кетказишни истайди, демакдир. Бу оят уч оятнинг бир жузидир. Аллоҳ Таоло деди:

يَا نِسَاء النَّبِيِّ لَسْتُنَّ كَأَحَدٍ مِّنَ النِّسَاء إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَّعْرُوفاً * وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً * وَاذْكُرْنَ مَا يُتْلَى فِي بُيُوتِكُنَّ مِنْ آيَاتِ اللَّهِ وَالْحِكْمَةِ إِنَّ اللَّهَ كَانَ لَطِيفاً خَبِيراً
«Эй пайғамбар аёллари, сизлар агар тақводор бўлсангизлар, аёллардан биронтаси каби эмасдирсизлар (яъни бирон аёл фазлу мартабада сизлар каби бўла олмас). Бас, сизлар (парда ортидан бирон номаҳрам эркакка жавоб қилган пайтларингизда) майин-назокатли сўз қилмангларки, у ҳолда кўнглида мараз-нифоқ бўлган кимса тамаъ қилиб қолур. Яхши – тўғри сўзни сўзланглар! Ўз уйларингизда барқарор бўлинглар (яъни бесабаб уйларингиздан ташқарига чиқманглар, магар бирон ҳожат учун чиққанларингизда эса) илгариги динсизлик (даври)даги ясан-тусан каби ясан-тусан қилманглар! Намозни тўкис адо қилинглар, закотни (ҳақдорларга) ато этинглар ҳамда (барча ишларда) Аллоҳ ва Унинг пайғамбарига итоат этинглар! (Эй пайғамбар) хонадонининг аҳли, Аллоҳ сизлардан «рижс»ни кетказишни ва сизларни бутунлай поклашни истайди холос. Уйларингизда Аллоҳнинг оятлари ва ҳикмат (яъни пайғамбар ҳадислари)дан иборат тиловат қилинадиган нарсаларни зикр-тиловат қилинглар! Албатта Аллоҳ меҳрибон ва огоҳ бўлган зотдир» [Аҳзоб: 32-34]
Бу оятнинг маъсумликка алоқаси йўқ. Аллоҳ Таолонинг:

لِيُذْهِبَ عَنكُمُ الرِّجْسَ
«Сизлардан «рижс»ни кетказишни истайди» [Аҳзоб: 33]

деган қавлидан «сизларни маъсум қилишни истайди», деган маъно тушунилиши мумкин эмас. Аксинча «рижс»ни кетказиш нопокликни кетказишдир. Бу ерда «рижс»дан мурод маънавий нопокликдир. Маънавий нопоклик эса гумон ва туҳматдир. Бу